جا زندگی مدینے سے جھونکے ہوا کے لا
شاید حضورص ہم سے خفا ہیں منا کے لا
کچھ ہم بھی اپنا چہرە باطن سنوار لیں
ابوبکرؓ سے کچھ آئینے عشق و وفا کے لا
دنیا بہت ہی تنگ مسلماں پہ ہوگئی
فاروقؓ کے زمانے کا نقشہ اٹھا کے لا
محروم کردیا ہمیں جس سے نگاە نے
عثمانؓ سے وە زاویے شرم و حیا کے لا
مغرب میں مارا مارا نہ پھر اے تلاش علم
دروازە علیؓ سے یہ خیرات جا کے لا
باطل سے دب رہی ہے امت رسول کی
منظر ذرا حسینؓ سے پھر کربلا کے لا
کلام:۔
مظفر وارثی
